Ano ang Kaingin?

Ang kaingin ay isang lagay ng lupa sa gitna ng isang makahoy na gubat kung saan wala o iilan lamang ang puno na tumataklob sa sinag ng araw o liwanag ng buwan. Dahil sa pambihirang pagbubukas nito sa kalagitnaan ng mga anino, maaaring magpakita sa kaingin ang mga nagtatago sa dilim. Maraming landas sa gubat, minsa’y paikot-ikot o di kaya’y walang tinutungo. Ngunit minsan, kung pinalad ka, bigla na lamang humihinto ang tinatahak mong landas sa isang tahimik at mahiwagang kaingin. Isa ako sa mga pinalad masumpungan ang kaingin ng ating  buhay. At ito ang aking mga nakita.